首页 > 景点大全 >喫茶去蹭茶田子坊

喫茶去蹭茶田子坊

2021-02-12 13:05:17

喫茶去蹭茶田子坊



《 蹭茶田子坊 

                              ------沈一珠

约个朋友田子坊,

碰着卖茶小姑娘;

蹭杯热茶老老香,

下趟特为去一趟。


上半天,太阳还勿是老烊,田子坊里大部分小商店侪冷笃笃,营业员像煞还呒末困醒,侬看伊一眼,伊也看侬一眼;侬勿去睬伊,伊勿来睬侬。

田子坊名气也响了,有点架子也正常,勿好拍照,勿好回价,对于就想去随便荡荡白相相的人来讲,乐趣少脱交关。

不过,也公平,侬当老喫老做的营业员看勿出来,啥人是来瞎兜八兜,啥人是来用铜钿的?

所以,勒弄堂口碰着迭呃端勒热茶,热情招呼人的小姑娘,一开始索性爽勒堂搭伊讲明白:我勒等人,所以,也就勒此地立脱一歇。

不过,小姑娘还是热心热肚肠:呒末关系,天冷呀,侬可以到阿拉店里矮凳哴向坐勒等人,喫口茶。

结果,就坐进去,喫了一杯普洱陈皮茶,又喫了一杯玫瑰养颜茶。后来,又到贴隔壁一家店看勒两眼,两爿店面,是一家人家。

迭恁讲起来,伊拉生意做得蛮烊。

然后,我等的人到了。匆匆忙忙离开辰光,看小姑娘还立了风里,手里端的茶隐隐交有热气飘出来。

下趟要正式去一埭,专门喫茶。


【沪语解释】

              老老香:很香。

            老烊:很强烈。

            冷笃笃:冷冷清清。

            爽勒堂:爽快。

            立脱一歇:站一会儿。

            蛮烊:蛮兴旺。


文章转载自微信公众号画白相

上一篇:【欢迎来睡】田子坊旁的百年公寓 下一篇:返回列表
请转载时务必注明文章作者和来源,尊重他人劳动。
转载注明出处:http://www.nioix.cn/jyjl/15166.html

网红景点及背后的财富密码

网红景点及背后的财富密码

【黑话连篇】该栏目更多的是揭露事件或对事件的看法,以 ... [更多]

本站信息来源于网络,如有侵权请与我们联系。本站原创内容转载请注明出处。

Copyright 蒲公英旅游网 联系方式:企鹅:2537432032@qq.com